وحاتك يمة

وحاتك يمه
======
وحاتك انتى يا يمه === بدور نتلم من تانى
بدور اتهنى بى عينيك === بدور انساها احزانى
عشان يا يمه سفرك طال === محال نتلاقى من تانى
وقلبك ده الحنين روح === وطيفك يمه ما جانى
*************
وحاتك يمه مشتاق ليك === وقربك يمه ببقى سعيد
بدور يا يمه اشرح ليك === بدور اكتب جواب بالايد
اشرح فيهو كيف بعدك === بقيت فى غربة عشت وحيد
بدور اسرج خيول الغيم === الا دريبك انتى بعيد
***************
عشمى الليل يزورنى الطيف === اناجى خيالك انتى -- احلم
اسافر فى الخيال واجيك === اضوق طعم الحنان وانجم
اقطع يمه مليون ميل === اعدى بحور معاك انعم
ارجع يمه املى يخيب === محال يا يمه تانى اتلم
*****************
ودعتك الله يا يمه === اصلو الدنيا فراقه
ما بتعرف حنين واشواق === وانحنا اشواقنا تواقه
وما جفت دموع العين === بحور احزانى غراقه
ولا غاب الحنين منى === تقيد نيرانى اشواقه
*******************
رحيلك يمه ولع نار === وحيد بتذكر -- اتأتم
وكت قايلك انيسه معاى === نسامر الليل ونتكلم
ونسرح فوق مناى الجاى === تقولى انشالله لى تسلم
الا رحيلك انتى اذاى === وبعدك ليلى كيف اضلم
************************************

الشكر للمبدع عبدالمجيد ومزيد من الابداع والنشاط.
نترحم علي الامات اللائي توفين ومنهم الوالدة بتول حاج حسن ونرجو لها المغفرة والرحمة وندعو بطول العمر والصحة لجميع والدات اخواننا واخوتنا بالمنتدي .وبالاخص الوالدة العزيزة ست النساء حاج العباس متمنيا لها كل الخير ونطمع في عفوها ورضاها.

- اللهم اغفر لحيينا وميتنا وشاهدنا وغائبنا كبيرنا وصغيرنا

- اللهم من احييته منا فاحييه على الإسلام . ومن توفيته منا فتوفاه على الإيمان . اللهم ارحم الوالدة ( بتول حاج حسن الحسين ) رحمة واسعة وتغمدها برحمتك

- اللهم ارحمها فوق الارض وتحت الارض ويوم العرض عليك . اللهم قها عذابك يوم تبعث عبادك .

- اللهم انزل نورا من نورك عليها

- اللهم نور لها قبرها ووسع مدخلها وآنس وحشتها

- اللهم ارحم غربتها وارحم شيبتها

- اللهم اجعل قبرها روضة من رياض الجنة . لا حفرة من حفر النار

- اللهم أغفر لها وارحمها واعف عنها واكرم نزلها

- اللهم
ابدلها دارا خيرا من دارها . واهلا خيرا من اهلها . وذرية خيرا من ذريتها
وزوجا خيرا من زوجها وادخلها الجنة بغير حساب . برحمتك يا ارحم الراحمين .
؟؟؟؟؟؟؟؟؟؟؟؟؟؟؟؟؟؟
شكرا ابو الشوق وتحياتى لك وللاسرة الكريمة وخاصة الوالدة العزيزة

ست النساء حاج العباس وربنا يديها طول العمر

والله روعــــــة واِبـــــداع يــا ود بــــري ومـــــــــــــــزيـــد مــــــــــــن الاِبــــداع صــــــراحــــــة كــــم ســـــــرعـــتـك - يــاود شــــيــشـــــــك عــلــيــنـا خــــفــــف الســـــــــــــــــرعـــــــــــــة عــشــــان تـســـــــيـر بـســــــــــرعـــــة مــعــــــقـــولـــه ومـــســــــتـمـــرة ومــمـــتـعـــه

[quote="عباس مصطـفـى الحـســـين"]
[color=black]

والله روعــــــة واِبـــــداع يــا ود بــــري ومـــــــــــــــزيـــد مــــــــــــن الاِبــــداع صــــــراحــــــة كــــم ســـــــرعـــتـك - يــاود شــــيــشـــــــك عــلــيــنـا خــــفــــف الســـــــــــــــــرعـــــــــــــة عــشــــان تـســـــــيـر بـســــــــــرعـــــة مــعــــــقـــولـــه ومـــســــــتـمـــرة ومــمـــتـعـــه

.............................................................................................

هلا عباس / حاضر ياسيدى من اليوم اجازة من المنتدى لمدة ؟؟

والسرعة سرعة ( السلحفاء )

وهاك النكتة دة بمناسبة زعلك .........

0000000000000000000000000

ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب