منتدى قرية طيبة الشقائق
 
الرئيسيةس .و .جالتسجيلدخول
منتديات قرية طيبة الشقائق ترحب بكم ونتمنى لكم اجمل الاوقات معنا مع تحياتى مدير عام المنتدى
 

شاطر | 
 

 شعر سوداني حلمنتيش مضحك !!!!

اذهب الى الأسفل 
كاتب الموضوعرسالة
عبد المجيد مصطفى
امير
امير
avatar

ذكر عدد الرسائل : 524
العمر : 70
البلد : السعودية
نقاط : 33860
تاريخ التسجيل : 01/10/2009

مُساهمةموضوع: شعر سوداني حلمنتيش مضحك !!!!   الجمعة مايو 20, 2011 1:31 pm

طالبة عريس
فتاة بجامعة القاهرة الفرع
لي إيدينا بنرفع *** والعازب كلو بيسمع
نفوسنا كتير مشتاقة *** للراعي دوام نتضرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمر ولي ودع
نحن مساكين ياجماعة *** وللجنة دوام نتطلع
لو واحد قام وأتقدم *** في لحظة نلبي ونسمع
***
بلاش عربية خصوصي *** مالو الكداري دا هسع
بلاش من شبكة وشيلة *** بي أبسط حاجة بنقنع
البيت ماشرط عمارة *** دي مظاهر ساكت تخدع
لي جنة نضيرة نحول *** البيت الخرب البجمع
ما شرط تجيب تلاجة *** كفاية الزير البنقع
***
ما دايرين كبدة وشية *** بي ويكة تقيلة بنشبع
ما أصلو شبابنا الودع *** ما ممكن تاني بيرجع
أحلامنا الكانت بدري *** ما عادت تاني بتنفع
دايرين الشاب الأغبش *** حتى لو فقران ومقطع
لانو الفيهو الفايدة *** ليهو دوام نتطلع
حياة السترة أملنا *** انشاء الله ربنا يجمع
يحن الله علينا *** ونشيل أيدينا ونرفع
***
للرب شكوانا بنرفع *** والباير كله بيسمع
في دربك ياما جرينا *** والعين الساهرة بتدمع
كم مرة ايدينا اتمدت *** والرد الجارح اقنع
احلامكم والله غريبة *** وللعين بتزغلل وتذلع
طلباتكم لينا تحير *** جايين تتواضعوا هسع
ما جينا زمان شن قلتو *** يافقير يامقطع أرجع
***
ما عندك حق السفة *** لابس دمور ومرقع
دايرين العندو مصانع *** لو كان لي غيروا بيركع
ما جينا زمان شن قلتو *** يافقير يا مقطع أرجع
في جيوبك ساكنة عناكب *** لو كان باعوك ما بتنفع
دايرين العندو الفلة *** لو كان حنكوش ومدلع
ما جينا زمان شن قلتو *** يا فقير يا مقطع أرجع
***
لو ماشي لآخر الدنيا *** تركب رجليك تتبرطع
دايرين العندو البنز *** لو يبقى عجوزا أصلع
ما جينا زمان شن قلتو *** يافقير يامقطع ارجع
يا البيتك مبني زبالة *** ومن غير فيضان يتزعزع
دايرين العندو الفيلا *** لو كان صغير بيرضع
ما جينا زمان شن قلتو *** يا فقير يامقطع أرجع
***
وموكيتا فخما فاخر *** ونجفا بالدر مرصع
والكندشة فريون ضاربة *** وثلاجة فريزر تجمع
بي فيديو كاسيت وأتاري *** نتسلى لو وكتنا نضيع
ما جينا زمان شن قلتو *** يافقير يامقطع أرجع
***
دايرين زنقيل ومقندل *** لو كان تمساحا يبلع
والعملة الحرة ضروري *** والمهر دولارا يدفع
وبشرط الشيلة العامرة *** والكرسي الجابر يلمع
وذهبا مختوم وأساور *** مليانة الإيد للأصبع
وضروري الحفلة بوردي *** والكابلي اللحنو موقع
ونقضي عسل في أوروبا *** ونطوف العالم أجمع
بي لندن وروما وموسكو *** وفينا المدن الأربع
نلبس في الكاسي العاري *** ولو طلعت موضة بنتبع
وناكل فاكهة طازجة *** وبالخير نتمتع ونشبع
أفلامكم والله عجيبة *** خلونا نحمض ونطبع
ماجينا زمان شن قلتو *** يامبهدل أوعك تطمع
***
مد رجليك قدر لحافك *** وشوف ليك طورية وأزرع
لي مين تتقدم انت *** يا قرد ياقبيح يا مبرقع
كيفن بتحب يا أغبش *** من غير شاكوش تتفرقع
لو كان بنحب الزيك *** ما أخير الموت الأسرع
لو مت وفاتك تفرح *** ولو عشت حياتك تفجع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهر تخدع
اختاروا العندو ديانة *** الديمة وشو بيلمع
قلتولنا خلاص انتظرو *** الحور في الجنة بتنفع
الليلة قطركم صفر *** والعمر ولى ودع
عجزتو قعدتو تقولوا *** واشبابنا الأغبش أجدع
ماجينا زمان شن قلتو *** يافقير يا مقطع أرجع
***
ما جينا زمان ليه كنتو *** جاهلننا زي الشفع
ما خلاص الليلة وقعتوا *** من قد القفة الأوسع
والليلة قطركم دور *** وقعتوا في وش المدفع
رافعين الراية البيضاء *** لكن هيهات ما بتنفع
رافعين لعرس جماعي *** وفي العشرة ألف ما بنطمع
وهنيا ليكم كبدة وشية *** بعد الأضرا
س تتخلع
الرجوع الى أعلى الصفحة اذهب الى الأسفل
عباس مصطـفـى الحـســـين
عضو فضي
عضو فضي


ذكر عدد الرسائل : 173
العمر : 48
البلد : الســـودان × الســعــوديـــة
العمل/الترفيه : : مــحــاســــــــــــــــــب / كــــــــــــــرة القـــــــــــــدم
شخص دعاك لهذا المنتدى : hindhindii
نقاط : 30710
تاريخ التسجيل : 06/04/2010

مُساهمةموضوع: شعر سودانى   السبت مايو 21, 2011 2:40 pm


بـســــــــم الله الرحـــمن الرحــيم


رائـــعـــــــــــه يـــابـــرى وربـــنـا يـــســــــــــــــــــتـرنـا ويـــســــــــــــــــــــهــل الأمــــــــــــور عـــــــــــــــــــــلـــــيــنــا جــــمـــيــعـــاً
الرجوع الى أعلى الصفحة اذهب الى الأسفل
عبد المجيد مصطفى
امير
امير
avatar

ذكر عدد الرسائل : 524
العمر : 70
البلد : السعودية
نقاط : 33860
تاريخ التسجيل : 01/10/2009

مُساهمةموضوع: رد: شعر سوداني حلمنتيش مضحك !!!!   السبت مايو 21, 2011 6:06 pm

امين يارب العالمين . يعطيك العافية ابوسنهورى وتشكر على المرور.
الرجوع الى أعلى الصفحة اذهب الى الأسفل
 
شعر سوداني حلمنتيش مضحك !!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشقائق :: الثقافى :: الشعر-
انتقل الى: