الشقائق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى قرية طيبة الشقائق
 
الرئيسيةأحدث الصورالتسجيلدخول
منتديات قرية طيبة الشقائق ترحب بكم ونتمنى لكم اجمل الاوقات معنا مع تحياتى مدير عام المنتدى
 

 

 حــــــــــــــــــــــــرفــــــــــــي أنــــا

اذهب الى الأسفل 
كاتب الموضوعرسالة
عباس مصطـفـى الحـســـين
عضو فضي
عضو فضي



ذكر عدد الرسائل : 173
العمر : 54
البلد : الســـودان × الســعــوديـــة
العمل/الترفيه : : مــحــاســــــــــــــــــب / كــــــــــــــرة القـــــــــــــدم
شخص دعاك لهذا المنتدى : hindhindii
نقاط : 51500
تاريخ التسجيل : 06/04/2010

حــــــــــــــــــــــــرفــــــــــــي  أنــــا Empty
مُساهمةموضوع: حــــــــــــــــــــــــرفــــــــــــي أنــــا   حــــــــــــــــــــــــرفــــــــــــي  أنــــا I_icon_minitimeالإثنين نوفمبر 22, 2010 2:06 pm

بـــســـــــ الله ــــــم الـرحـــــــــ الـرحــــيــم مـــــن




حرفى أنـــا
انا عمرى ما غنيت قصيد
ولا عزفت نغم جميل
واصلو ماهزت مشاعرى
صور جمال وعيون كحيل
الليله بس ايه الحصل
**
يا قلبى حار بى الدليل
انا بقيت اجيب انظم شعر
انا واغنى الحان للخليل
انا عمرى ما عرفت الهوى
ولا سحرنى جمال عيون
ولا حركت فينى العواطف
اهوى فى درب الشوق
اتحجر الاحساس فى ذاتى
وكنت بغير ما اكون
الليله بدل حالى زول ..زول
ببداء اسمو بـحـــرف د ون

الليله بس ايه الحصل
يا قلبى حار بى الدليل
انا بقيت اجيب انظم شعر
انا واغنى الحان للخليل
اخضرّ فى دنياى ربيع
ازهارو نبتت فى الجفاف
بدت بشاير الخير تجول
تتحدى ايامى العجاف
كل الحصل لمحة عيون
من ربة الصون والعفاف
خليتنى بقيت اسير غرام
لا عاشو زول لا زيو شاف
منّ غيرى يستاهل هواك
من زىّ قلبو عليك بخاف

الليله بس ايه الحصل
يا قلبى حار بى الدليل

عايز أكون
عايز اكون بهجه ومسره
فى دروب البائسين
وابقى صفقه وغنوه
حلوه تسعد القلب الحزين
** *** **
عايز اكون قُمريه
تشدو ترسل الالحان شجيه
تطرب القلب المعنّـه
وتفرح الروح الشقيه
تهدى بنواحها وشجونها
وبالجراحات والازيه
لحظه تُنسي الناس
وهى تفنيها الاسيه
** *** **
عايز اكون انا لقمه
طاعمه
اشبع المسكين وجائع
قضى يومــو يكُدّ ويكدح
ودخله ما رضيان يطاوع
فى الهجير لازم يقاسي
فى الصقيع لازم يصارع
وفى بلاد الغربه عامل فى
المصانع وفى المزارع وفــى المـؤســســــات الشـــقــيــــه
** *** **
عايز اكون قمَرا
تــهـــــدي
تــضــوى للناس السبيل
نجمه فى افق المسافر
نجمه للتايهين دليل
عايز اكون مشعل بيرشد
يهدى للخير والجميل
ما يهم لو احترقت
او انطفيت وطوانى ليل
** *** **
عايز اكون انا صدر
حانى
ابقي للمجروح طبيب
احضن الهايم مشرد
واحضن العايش غريب
واحضن الطفل اليتيم
وابقي زى الام حبيب
...ابقى فى عيونه ابتسامه
وابقى فى ثغره الحليب
** *** **
عايز اكون انا غصن اخضر
غصن يرمز للسلام
غصن من زيتونه اخضر رمز للحب والؤام
غصن زيتون لونه اخضر غصن يشيلو الحمام
واجعل الكون كله اخضر
وكله ..افراح وابتسام
إنت لو داير بُـكاي
انت ِ لو داير بكاي
الف اهلا يا دموع
مهما القي النار في
دربك برضي اشتاق للرجوع
اصلي عايش كل منايا
القي في حبك مصير
وانسي في عينيك شقايا
وانسي تعذيب الضمير
برضي اوصل لى نهايه
تروى ليك عمرى القصير
لى هناى تكتب بدابة
حلوة زى ضحكة صغير
كـــنـــت عايش طول سنيني
فى دروب مليانه هم
كنـــت بشعر يا حبيبي
إني مخلوق للألم
لو تصدق إنو عمرى
أصلو في يوم ما ابتسم
إلا يوم ما شفتك انتي
وكنت لى اجمل نغم
انت لو رضيان تسيبني
ابقى في دربك وحيد
يسعدك انك تشوفني كل
يوم في هم جديد ؟
انا برضا بحكمك
علىّ مهما فى جورك تزيد
ابقى بحرمانى راضى
في هواك واموت شهيد .

الرجوع الى أعلى الصفحة اذهب الى الأسفل
 
حــــــــــــــــــــــــرفــــــــــــي أنــــا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشقائق :: الثقافى :: الشعر-
انتقل الى: