أنـســــيـــنـي

تن سيني ؟!!

لو بقدر أخليكِ ...
بتخليني ؟
ما كل دواخلي ليك مكتوبة ...
تنسيني ؟
و كل ملامحي بيك مرسومة
تجفيني ؟
و تبكّيني ؟
و تخليني في مرض دايم ...
و لا بكلمة تشفيني ؟
و ترميني في عطش دايم
و لا ببسمة ترويني ؟
ولو كنت بتناقشيني
و تعرفي عن حنيني إليك
ما كنت بتفارقيني
و للأشواق تخليني
تقطع جوة في قلبي
تحرقني .. و توجعني .. و فوق
لي داك تشكيني
تقولي متناسي للخلان
و بالحرمان تقابليني
و تشاكيني ؟؟
تقولي متفادي ليك إنتِ ؟
و انتي الفيني ما كنتِ
لأنك من وقت ما جيت ...
للدنيا ..
لقيتك جوة في آهتي
و في صوتي
و في صمتي
لقيتك في أساس روحي
سبب آهاتي و جروحي
و لقيتك أنتِ في جواي
دواي الشافي لجروحي
في جواي ليكِ قصور
و في أشعاري ليكِ بحور
و في إحساسي ليكِ شعور
مميز بحنين دايم
مميز بفريق أشواق
يدافع ليكِ في غيابك
و يهاجم ليكِ في عتابك
و يحرس ليكِ أسبابك
و يقطّع لي كلماتي
يزوّد لي جراحاتي
و يأجّج لي عذاباتي
و يسكب لي دمعاتي
يزيد الحرقة فى جواي
و تبقى الآهة لسة معاي
تشاركني العذاب و شقاي
تقاسمني في ألم دنياي
و تبقى الآهة لسة معاي

و تبقى معاي
*********



تذكر.. كيف أمسي بهمّ
و كيف اصبح بهذا الغمّ
تذكر .. كيف أذوق الويل
تذكر .. كيف أقاسي الليل
تذكر .. كيف تقطعني
و كيف إني وراك أتلمّ

أنــا مـــــالــــى - أنــا مـــا حــــالـــى حــــال تـربــال وحــــال غـــربــال - وحـــال طــفــشــــان وحـــال غـــلـبــان مـحـــــل مــا تـودي مـــا بــيـــلــحــــق تــقــــــول مــمــحــــــــوق