عشق الوطن

موضوع: عشق الوطن الأربعاء يونيو 02, 2010 9:15 am

نهديكم رائعة الشاعر المرهف مبارك المغربى واداء الفنان صلاح بن البادية:
يا بلادى
ما عشقتك لجمالك إنت أيه من الجمال أو هويتك لخصالك أنت أسمى الناس خصال أو لي روحك لجلالك إنت هالة من الجلال الفؤاد دايماً بنادي في اغترابي وفي ابتعادي ليك لأنك من بلادي شلت من النيل صباهو ومن جمال النيل بهاهو من مناظر السبر صفحة من رهيد البردي لوحة من نخيل الباوقة طرحة من مريدي السمحة نفحة الطبيعة حنت عليك خلدت بصماتا فيك ليك غرد كل شادي ما بصح و طريقنا باين يا شبابنا نقيف نعاين الأمل معقود علينا والعمل ظمآن إلينا بي سواعدنا ونضالنا في جنوبنا وفي شمالنا غيرنا مين يحرث أرضنا يبني ويعمر بلدنا غيرنا مين يفني الأعادي نحن سافرنا وبعدنا ما عرفنا هواك بعدنا كل ما لاقتنا فتنة الفؤاد حن ولفتنا وكل ما اتمناهو بسمة من ملاك أضناه حبو حلموا كان في الغربة نسمة من أريج بلدو البحبو جينا في لهفة مشاعر ليك تزحمنا الخواطر نبني مجدك يا بلادي

موضوع: رد: عشق الوطن الخميس يونيو 03, 2010 4:58 am

نعشق السودان كوطن .. بس ...!! ... نتمنى ان تنتهي المحسوبية المتفشية وان ينتهي الفساد المستشري حتى نتمكن من الحصول على وظيفة بوطننا الحبيب والعودة اليه .. قبل قدومي للامارات قدمت للحصول على وظيفة بالشركات الحكومية بما يزيد عن 24 مرة وفي كل مرة اجتاز المعاينات ولكن في الاخر ... مافي نصيب!!!!! --- الظاهر الوظائف للسودانيين بس!!!!!!

موضوع: رد: عشق الوطن السبت يونيو 05, 2010 4:40 am

الجملة الاخيرة اعني بها ان الجماعة شايقين البلد حقهم براهم وما عداهم غير سوداني

موضوع: رد: عشق الوطن الإثنين يونيو 07, 2010 11:14 am

اشكرك للتوضيح والمرور الاخ ابو الرشيد ولك تحياتى،،،للتذكير بعظمة السودان واهله وطبيعته فنحن والله نعشق هذا الوطن الى حد الوله ولانرضى ان يمتلكه الا اهله من كل الجهات والمشارب فهو وطن متعدد الثقافات واللغات والقبائل والسحنات نحن السودانيون

» لك ايها الوطن
» قطوعات الكهرباء...لؤى عبد الرحمن ...نقلا عن الوطن
» حصاد القمح ...لؤى عبد الرحمن ...نقلا عن الوطن
» دور الادارة الاهلية فى الخدمات الاجتماعية ( نقلآ عن جريدة الوطن )