صباحكم ضحكة " منقول"

- مصرى جديد لنج فى أمريكا .
عايز يقول لامريكى ( بعد اذنك ) قام قال للأمريكى : After your ear

- واحد رباطابي جزار....نهاية اليوم شايل عظام من الجزارة
لاقاه جعلي قال ليهو : إنتَ عازم كلاب؟؟
الرباطابي قال ليهو : أيوة...إنتَ الكرت حقّك ما جاك؟؟

- ذبابه وقعت في كاس وسكي طلعت منه وطارت وهي طايره بقت تقول زحو الصقر جاكم

واحدة دنقلاوية سألوها : الدهشة معناها شنو ؟ قالت : دي ما ياهو ولد الهُمار !!!

مسطول دايما يولع سيجارتيين ويشربهن سوا .. صاحبو سألوا : ليه انت بتشرب سيجارتين ؟
قال : واحدة لي وواحدة لأخوي الفي السجن ..
بعد مدة صاحبوا شافوا بيولع سيجارة واحدة قام قال ليهو مبروك اخوك طلع ولا شنو؟؟؟
رد عليو المسطول لالا بس انا خليت التدخين

مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا

مسطول فتح محل سماه :
بقالة الأقمشة لحلاقة الأحذية الغذائية

رباطابي بيصلي جنبو واحد انصار سنة عفصو في رجلو وقال سد الفرج عشان الشيطان بيدخل بينا
الرباطابي قال ليهو هو الشيطان جاء لحدي هنا ماتخلي يصلي .

مسطول مشى يشارك فى تشيع جنازة .
فى المقابر سأل واحد : المرحوم بيشتغل شنو ؟
قالو : بيشتغل حفار قبور ..
قام المسطول قالو : يا أخى من حفر حفرتا لاخيه وقع فيها